Rayon Sports yifurije amahirwe Iranzi Jean Claude watijwe mu Misiri

Yanditswe na Rayon Sports ku wa 28 January 2020 | Yasuwe : 444

Umukinnyi wo hagati usatira mu ikipe y’igihugu y’u Rwanda afite amasezerano azasozwa mu mpeshyi ya 2021 ariko yatijwe muri Aswan Sporting Club yo mu cyiciro cya mbere mu Misiri.

Iranzi Jean Claude yatijwe mu Misiri

Kuri uyu wa Kabiri tariki 28 Mutarama 2019 nibwo uyu mukinnyi w’imyaka 29 yasinye amasezerano muri Aswan SC amwemerera gukina shampiyona ya Misiri kuva ubu kugera tariki 31 Nyakanga uyu mwaka.

Iranzi Jean Claude wahagurutse mu Rwanda tariki 14 Mutarama 2020 yerekeza mu mujyi wa Cairo mu Misiri, yabanje gukora igeragezwa ry’iminsi 10 muri iyi kipe iba mu mujyi wa Aswan ufatwa nk’umujyi w’Ubukerarugendo kuko ukora ku ruzi rwa Niles.

Aswan Sporting Club yiteze ko Iranzi Jean Claude azayifasha mu mikino isigaye ya shampiyona kuko ntabwo ihagaze neza. Iri ku mwanya wa 16 muri shampiyona y’amakipe 18. Ifite amanota 12, irushwa amanota 24 na Al Ahly iyoboye urutonde rwa shampiyona.

Iranzi agiye guhangana muri shampiyona isanzwe mo umunyarwanda Muhire Kevin ukina muri Tala’ea El Gaish SC iri ku mwanya wa 15 nayo ifite amanota 12.

Yifurijwe amahirwe masa na Rayon Sports

Amavubi azakina CHAN 2020 izatangira muri Mata idafite Iranzi JC wayafashije kubona itike

Leave a Reply